Uncategorized
Leave a Comment

تمباکو نوشی


 

تحریر:ساحرہ ظفر

پاکستان میں ہر روز 1200 بچے پہلی دفعہ سگریٹ نوشی کا آغاز کر رہے ہیں،ملک بھر میں 13 سے 15 سال عمر کے 10.7 فیصد بچے تمباکو نوشی کر رہے ہیں۔ ۔پاکستان سمیت ایشیا میں کروڑوں گھر  تمباکو نوشی اور منشیات سے متاثر ہو رہے ہیں۔ماہرین کے مطابق تمباکو نوشی کا زہر ہر دس سیکنڈ بعد دنیا میں ایک انسان کی جان لے جاتا ہے ۔معالمی ادارہ صحت کے مطابق دنیا بھر میں 30 لاکھ افراد تمباکو نوشی کے لت میں مبتلاء ہوکر جان سے چلے جاتے ہیں۔

پاکستان جو غربت کی چکی میں پسا ہوا ملک ہے  اس  میں سگریٹ نوشی کا استعمال مسلسل بڑھ رہا ہے۔ طبی ماہرین کے مطابق 18 فیصد پاکستانی تمباکو نوشی کا شکار ہیں ۔ گزشتہ سال کے مقابلے میں دو فیصد تمباکو نوشی کے استعمال کرنے والوں کی تعداد میں اضافہ ہوا۔ ماہر امراض سینہ ڈاکٹر ندیم رضوی کہتے ہیں کہ دائمی کھانسی، دمہ، ہارٹ اٹیک اور پھپیپھڑو ں کا کینسر یہ بیماریاں تمباکو نوشی کرنے والوں میں عام ہیں۔

ورلڈ ہیلتھ آرگنائزیشن کے زیر اہتمام گلوبل یوتھ تمباکو کے 2013ءمیں پاکستان کے مختلف اسکولوں میں پڑھنے والے 13 سے 15 سال کی عمر کے 8 ہزار بچوں پر کیے گئےسروے کی رپورٹ کے مطابق 36 لڑکیاں اور 192 لڑکے سروے کے وقت سگریٹ نوشی کر رہے تھے جبکہ 164 لڑکیوں اور 368 لڑکوں نے بتایا کہ وہ تمباکو نوشی کرتے ہیں سگریٹ پینے والے 40 فیصد بچوں نے بتایا کہ انھوں نے دس سال سے کم عمر میں سگریٹ نوشی کا آغاز کر دیا تھا۔

عالمی ادارہ صحت کے مطابق دنیا بھر میں دس سے چوبیس سال کی عمر کے تقریباً ایک ارب اسی کروڑ افراد تمباکو نوشی کرتے ہیں پاکستان میں ہر سال ایک لاکھ جب کہ دنیا بھر میں 50لاکھ سے زائد افراد سگریٹ نوشی کی وجہ سے ہلاک ہو جاتے ہیں

عالمی ادارۂ صحت کے تحت دنیا بھر میں تمباکو نوشی کی روک تھام کے لیے اقدامات اور اس کے خلاف قوانین وضع کرنے پر زور دیا جارہا ہے۔ پاکستان میں بھی تمباکو نوشی سے نمٹنے کے لیے کوششیں کی جارہی ہیں۔ لیکن اس سلسلے میں قوانین پر سنجیدگی سے عمل درآمد کی ضرورت ہے۔ نوجوان تمباکو کے استعمال کے مختلف طریقے اپنا رہے ہیں۔ ان میں نکوٹین والے ای سگریٹ، مختلف ذائقوں والے سگار اور شیشہ بھی شامل ہے۔ اگر سگریٹ نوش کی بات کی جائے تو یہ فقط اپنی زندگی کے لیے خطرہ نہیں بنتا بلکہ اس کی وجہ سے دوسروں کی صحّت کو بھی نقصان پہنچتا ہے۔

فضا میں موجود تمباکو کے دھویں میں کینسر کا سبب بننے والے 60 کیمیائی اجزا موجود ہوتے ہیں، جو سگریٹ نہ پینے والے کی صحّت کو اتنا ہی نقصان پہنچاتے ہیں جتنا سگریٹ نوش کو پہنچتا ہے۔ تمباکو کے دھوئیں میں موجود مضرِ صحت مادے ذہن اور خون کو متأثر کرتے ہیں۔ ایک حالیہ ریسرچ میں بتایا گیا ہے کہ تمباکو نوشی سے صرف پھیپھڑوں کے کینسر کا خطرہ ہی نہیں ہوتا بلکہ اندھا پن، ذیابیطس، جگر اور بڑی آنت کے کینسر اور دیگر پیچیدگیاں بھی لاحق ہو سکتی ہیں۔ اس کے علاوہ خواتین میں سگریٹ نوشی کے اثرات حمل کے دوران طبی پیچیدگیوں، جوڑوں کے درد اور جسم کے دفاعی نظام کی کم زوری کی صورت میں ظاہر ہوسکتے ہیں۔

تمباکو نوشی کے بڑھتے ہوئے رجحان میں سب سے زیادہ  تعداد نابالغ  بچوں   کی ہے جو  دیکھا دیکھی اس طرف بڑھ رہے ہیں  فلموں گانوں  سے متاثر ہو کر  تمباکو نوشی کی  میں مبتلا ہو رہے ہیں ۔اس میں خاص طور پر والدین اساتذہ اور ذمہ دار لوگوں کو سخت نظر رکھنے کی ضرورت ہے۔

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

This entry was posted in: Uncategorized

by

Vision 21 is Pakistan based non-profit, non- party Socio-Political organisation. We work through research and advocacy for developing and improving Human Capital, by focusing on Poverty and Misery Alleviation, Rights Awareness, Human Dignity, Women empowerment and Justice as a right and obligation. We act to promote and actively seek Human well-being and happiness by working side by side with the deprived and have-nots.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s