سیاسی جلسے
تحریر:ساحرہ ظفر گاڑی گاڑی سے ٹکرا رہی ہے۔ٹائر جل رہے ہیں۔دھواں اُٹھ رہا ہے۔پولیس عام لوگوں پر ڈنڈے برسا رہی ہے۔سڑکیں،محلے ،گلیاں یہاں تک کہ سکول بھی کینٹرز کی نظر ہو گئے ہیں۔ایمولینسز میں مریض دم توڑ رہے ہیں ۔بچے بیگ پہنے ہاتھوں میں کتابیں تھامے سوالیہ نظروں سے بند راستوں اور سکولوں کے آگے کھڑی رکاوٹوں کو دیکھ رہے ہیں۔ تاجر برادری کاروبار کو بند کر کے گھروں میں محصور ہو کر رہ گئی ہے۔رابطے کے ذریعے سیکورٹی خدشات کی بنا پر نا پید ہو چکے ہیں۔ مائیں بچوں کو سکول بھیجنے سے گھبرا رہی ہیں۔ پاکستان کی دو بڑی سیاسی پارٹیاں گورنمنٹ کی کرپشن اور نااہلی کو ثابت کرنے کے لیے عوام کو سڑکوں پر آنے کی دعوت دے رہی ہیں ۔عمران خان بنی گالہ میں نظر بند مسلسل میڈیا کے ذریعے عوام کو وزیراعظم کی نا اہلی کی وجہ سے گھر بھیجنے کا کہہ رہے ہیں۔ جبکہ دوسری طرف شیخ رشید بار بار اپنی لال حویلی کے بچانے کا کہہ رہے ہیں اور بار بار کہہ رہے ہیں اگر مجھ سے لال …